2020-ci il fevralın 21-də Xəzər Universitetində 2020/2021-ci tədris ili üçün fəlsəfə doktoru hazırlığı üzrə doktoranturaya ixtisas fənlərindən qəbul imtahanı keçirildi. İmtahanda “Beynəlxalq münasibətlər”, “Siyasi nəzəriyyə”, “Dünya ədəbiyyatı” və “Ümumi iqtisadiyyat” ixtisaslarının hər biri üzrə 1 iddiaçı iştirak edirdi.

Namizədlər ixtisas imtahanlarını uğurla verdilər.

Fəlsəfə doktoru proqramı üzrə dissertanturaya təhkim olmaq üçün müraciət etmiş namizədlər isə “Ümumi iqtisadiyyat”, “Təhsilin təşkili və planlaşdırılması” və “Biokimya” ixtisasları üzrə yaradılmış komissiya tərəfindən aparılan müsahibədə iştirak edirdilər. Müsahibədə iştirak edən hər 3 namizədin dissertanturaya təhkim olunmasına qərar verildi.