Tatenda Mudara Xəzər Universitetində beynəlxalq münasibətlər ixtisası üzrə dördüncü kurs bakalavr tələbəsidir. Qış fasiləsində Rusiyada keçirilən AIESEC (Qeyri-Hökumət Gənclər Təşkilatı) Qlobal Könüllülük Layihəsində iştirak etmişdir. O, öz təcrübəsini bizimlə bölüşdü: “Qış tətilində (yanvar-fevral, 2020-ci il) iştirak etdiyim iki layihəyə görə Xəzər Universitetinə böyük məmnuniyyətlə təşəkkür edirəm. Mən Perm şəhərində (Rusiya) AIESEC-in Qlobal Könüllüləri Layihəsi çərçivəsində Davamlı İnkişaf Məqsədləri (SDGs) mövzusuna həsr olunan tədbirdə iştirak etməyə qəbul olundum. Prosesdə ölkəm Zimbabve, Afrika qitəsi və bir çox dinləyicini heyrətləndirən mədəniyyətim haqqında da danışdım. Digər iştirakçılarla birlikdə, Afrika ilə bağlı bəzi stereotipləri qıraraq, SDG-lər haqqında məlumatlılığı artıra bildik. AIESEC Layihəsi çox böyük bir uğur qazandı və ürəyimdən bu missiyanı həyata keçirən dekan və Xəzər Universitetinin rektoruna təşəkkür edirəm. AIESEC Layihəsində iştirak edərkən, Kazan şəhərində (Rusiya) keçirilən Beynəlxalq Kənd Gəncləri Konqresi haqqında eşitdim. Konqresdən çox şey öyrəndim, məsələn, kənd təsərrüfatına, kənd yerlərində davamlı inkişaf və müxtəlif layihələrdə iştirak etməyin əhəmiyyəti haqqında. Həmçinin, qısa müddət ərzində üç fərqli Rusiya şəhərini –Perm, Kazan və Moskvanı araşdırmaq fürsəti qazandım. Hamını müxtəlif qlobal layihələrə iştirak etməyə çağırıram, beləliklə, bilikləri artırmaq və dostların əhatəsini genişləndirmək mümkündür. Rus adət-ənənələri, bayramları, dəyərləri, mətbəxi haqqında məlumat əldə etdim və rus dili biliklərimi inkişaf etdirdim.

Biliklərimi artırmaq üçün bu böyük fürsəti verdiyinə görə, bir daha Xəzər Universitetinə təşəkkürümü bildirmək istəyirəm”.