2020-ci il fevralın 12-də Xəzər Universitetinin Təbiət elmləri və mühəndislik fakültəsinin tələbələri üçün UFAZ Universiteti “ActInSpace” yarışmasının təqdimatını etdi.

UFAZ Universitetinin Tələbə işləri üzrə mütəxəssisi Vüsalə Hüseynova tələbələrə yarış haqqında məlumat verərək, bu il “ActInSpace”-in 2-ci buraxılışının Azərbaycana gətirildiyini bildirdi. Hackathon 2020-ci il aprelin 24-ü və 25-də UFAZ Universitetində keçiriləcək. “ActInSpace” yarışı –start-up yaratmaq, verilmiş patentlərdən, texnologiyalardan və peyk məlumatlarından istifadə etməklə, iş perspektivləri üzərində işləmək üçün unikal bir fürsətdir. “AktInSpace” yarışmasının qalibləri hədiyyələrlə mükafatlandırılacaq, baş mükafat Zero-G Airbus A310 parabolik uçuş olacaq. Ancaq, ən başlıcası, yalnız qazanmaq deyil, “ActInSpace” yarışması boyunca bütün iştirakçıları və komandaları gecə-gündüz dəstəkləyən mütəxəssislər sayəsində start-up şirkətlərini işə salmağa hazır olan həllər əldə etməkdir. Vüsalə Hüseynova ətraflı şəkildə yarışın qaydalarını tələbələrə izah etdi.

Sonda tələbələrin yarışma haqqında sualları cavablandırıldı.