2020-ci il fevralın 7-də Xəzər Universitetinin Psixologiya departamentinin müəllimi və doktorantı BP və onun tərəfdaşlarının maliyyələşdirdiyi British Council-un həyata keçirdiyi “Əlilliyi olan Şəxslərin Məşğulluq Qabiliyyətlərinin Artırılması” layihəsinin idarə heyətinin iclasının ikinci mərhələsində iştirak etdi. Əmək və Əhalinin Sosial Müdafiəsi Nazirliyinin dəstəyi ilə həyata keçirilən layihədə müxtəlif şirkət və universitetlərin nümayəndələri –ADPU-nun, Gilan Holding-in, DOST agentliyinin, Əmək və Əhalinin Sosial Müdafiəsi Nazirliyinin, Əmək Müfəttişliyinin, Məşğulluq mərkəzlərinin, DOST agentliyi, Azərbaycan Psixoloqlar Assosiasiyasının, BP şirkətinin nümayəndələri və digər şəxslər iştirak edərək, əlilliyi olan şəxslərin məşğulluğu ilə bağlı məsələlər, bu sahədə qarşıya çıxan problemlər, qanunvericiliklə bağlı maarifləndirmə, cari vəziyyət, bu sahədə görülmüş işlər və nailiyyətləri, şirkətlərin bu sahədə təcrübələrini, tövsiyələrini müzakirə etmək, həmçinin, şirkətlər ilə nazirlik, məşğulluq idarələri arasında ünsiyyət, şəbəkələşmə imkanları yaradan bir platformadan yararlanmaq üçün müzakirələr apardılar.
Xəzər Universitetinin bu sahədə gördüyü işlər haqqında, keçirilən tədbirlər, əlilliyi olan şəxslərin universitetdə təhsil alma imkanlarından məlumat verən Nilufər Əlizadə, layihənin ikinci mərhələsində nəzərdə tutulan peşəkar təlimlərin həyata keçirilməsində təlimçi olaraq seçildi.