“Xəzər Humanitar və Sosial Elmlər Jurnalı”nın yeni nömrəsi (Cild 22, Nº4, 2019) çapdan çıxmışdır. Yeni nömrəyə daxil olan məqalələr ədəbiyyat, dil, elmdaxili ünsiyyət və təhsil sahələrinə aiddir. Məqalələrin tam versiyaları ilə burada tanış ola bilərsiniz: https://jhss-khazar.org/

Jurnalın yeni nömrəsində Xəzər Universitetindən də iki müəllifin məqaləsi çap olunmuşdur. Onlar, Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və Dillər və ədəbiyyatlar departamentinin doktorantı Mədinə Karahandır.

Sizi Xəzər Humanitar və Sosial Elmlər Jurnalını oxumağa, öz elmi nəşrlərinizdə onun məqalələrindən sitatlar verməyə və çap etdirmək üçün keyfiyyətli və orijinal məqalələrinizi bizə göndərməyə dəvət edirik (Hazırda üstünlük verilən sahələr: təhsil, dil, linqvistika, ədəbiyyat, beynəlxalq münasibətlər & siyasi elmlər, siyasi iqtisadiyyat).

Daha ətraflı məlumatı bu link vasitəsilə əldə etmək olar: https://jhss-khazar.org/author-guidelines/