2019-cu il dekabrın 6-da Xəzər Universitetinin rəhbərliyi, əməkdaşları və tələbələri Heydər Əliyev fondunun təşəbbüsü ilə Nəsiminin 650 illik yubileyi münasibətilə 650 min ağac əkilməsi kampaniyasında iştirak etdi. Ağaclar Xəzər Universitetinin Buzovnada yeni kampus üçün aldığı ərazidə əkildi.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı ilk ağacı əkəndən sonra kollektiv ərazidə min ədəd ağacın əkilməsini təmin etdi. Ağacəkmə mərasimi universitet rəhbərliyi, əməkdaşları və tələbələrinin yüksək əhval-ruhiyyəsi şəraitində həyata keçirildi və xatirə şəkilləri çəkildi.