2016-cı il fevralın 26-da Xəzər Universiteti Təhsil fakültəsinin tələbələrinin təşkilatçılığı ilə Xocalı soyqırımının 24-cü ildönümünə həsr olunmuş “Xocalı – unutmayaq, unutdurmayaq” adlı tədbir keçirildi. Tədbir Xocalı qurbanlarının və Azərbaycanın ərazi bütövlüyü uğrunda şəhid olmuş insanların ruhunu bir dəqiqəlik sükutla yad etməklə açıldı.

Təhsil fakültəsinin tələbələri Aytac Həsənova, Aygün İsmaylova, Nəzrin İsmayılova, Səkinə Ələkbərova, Müjgan Fərruxlu, Səidə Cabbarova, Suqra Əliyeva, Nərmin Ələkbərova, Pınar Məmmədzadə, Həmidə Azəri, Ayşən Mustafalı, Mustafa Əlləzov, Aytən Əsgərova, İradə Əhmədli və Fərid Həsənovun hazırladığı ədəbi-bədii kompozisiyada Xocalı faciəsini əks etdirən videoçarx göstərildi, şeirlər oxundu, mahnılar səsləndirildi və səhnəcik oynanıldı.

Tədbirdə Xəzər Universitetinin Direktorlar və Qəyyumlar şurasının sədri Hamlet İsaxanlı, rektor Həsən Niknafs, Təhsil fakültəsinin dekanı Elza Səmədova, Humanitar və sosial elmlər fakültəsinin dekani Cabir Xəlilov, İqtisadiyyat və menecment fakültəsinin dekani İnqilab Əhmədov,  Azərbaycan dili və ədəbiyyatı departamentinin müdiri Vurğun Əyyub, İctimai ələqələr və media üzrə direktor Əlövsət Əmirbəyli,  Təhsil fakültəsinin dekan müavini Aygün Verdiyeva iştirak edirdilər.