2019-cu il fevralın 24-də adalet.az və manevr.az saytları təbrizli gənc yazar Ümid Nəccarinin Xəzər Universiteti tələbələri ilə keçirilmiş görüşü barədə xəbər yayımlamışdır. Xəbərdə deyilir ki, “Yaradıcı yazı” fənninin növbəti dərsində iştirak edən qonaq əvvəlcə tələbələrdən Suqra Əliyeva, Sadiq Mirzəyev, Nərmin Ələkbərova və Günay Nuriyevanın kiçik hekayə və esselərini dinləmiş, gənclərin ilk qələm təcrübələri haqqında mülahizələrini söyləyərək, onların öz duyğu-düşüncələrini yığcam və obrazlı dildə ifadə etmələrini yüksək qiymətləndirmişdir. Sonra öz qələm təcrübələrindən danışan Ü.Nəccari yeni şeirlərini oxumuşdur.

Fənn müəllimi Qardaşxan Əzizxanlı Türkiyədə təhsil alan Umud adlı azərbaycanlı tələbənin də bugünkü görüşə qatıldığını deyərək, “Ümidlərin birgəliyinə” işarə edərək, bunun rəmzi məna daşıdığını bildirmişdir. Görüşün sonunda Q.Əzizxanlı iki aypara fiqurunu birləşdirib, günəşə bənzədərək, onu Bütöv Azərbaycanın rəmzi kimi gənc yazara təqdim etmişdir.

Görüş haqqında ətraflı məlumatla bu linklər vasitəsilə tanış olmaq olar:

http://www.adalet.az/w164968/Təbrizli_gənc-yazar_Xəzər_Universitetində/#.XHMEkqIzbIU

http://manevr.az/elm-tehsil/46150-tbrizli-gnc-yazar-xzr-universitetinin-qona-olub.html?fbclid=IwAR3wSu4-jyVc8Wqvnr06X-1Wcrw9HUbQXh-Yl7jrUT-tj1QfUW__QpW4Ew8