Azərbaycan Respublikası Təhsil Nazirliyi, Azərbaycan Respublikası Fövqəladə Hallar Nazirliyi, BMT-nin Uşaq Fondu (UNİCEF) və Avropa Komissiyasının Humantar Yardım və Mülki Müdafiə Departamenti tərəfindən müəllim hazırlığı üçün nəzərdə tutulan “Fəlakət riskinin azaldılması təhsil sistemində” adlı dərs vəsaiti çap olunmuşdur. Kitabın çapı Avropa Komissiyasının Humanitar Yardım İdarəsinin (DIPECHO) maliyyə dəstəyi ilə Azərbaycanda həyata keçirilən “Həssas icmalarda və Təhsil Müəssisələrində Fəlakət Riskinin Azaldılması” layihəsi çərçivəsində baş tutmuşdur.

On beş min tirajla çap edilmiş kitabın tərtibçisi Xəzər Universitetinin Coğrafiya və ətraf mühit departamentinin müdiri, universitetin Ətraf Mühitin Tədqiqi Mərkəzinin direktoru Rövşən Abbasovdur. Kitabdan ölkənin bütün ali məktəblərində tədris vasitəsi kimi istifadə olunacaq.