2017-ci il iyunun 16-da Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurası və Fəlsəfi Maarifçilik Assosiasiyası İçtimai Birliyinin birlikdə təşkil etdiyi “Mənəvi birliyimizi yaşadaq və inkişaf etdirək” adlı seminarda Xəzər Universiteti Humanitar və elmlər fakültəsi dekan müavini doktorant Mələk Kərimova iştirak etdi. Azərbaycan Milli Elmlər Akademiyası Fəlsəfə İnstitutu Estetika şöbəsinin müdiri və Fəlsəfi Maarifçilik Assosiasiyasının sədri professor Adil Əsədovun təşkilatçılığı ilə keçirilən seminar milli-mənəvi dəyərlərin qorunması ətrafında maraqlı diskussiyalarla davam etdi. M.Kərimova mövzu ilə bağlı aparılan müzakirələrə qoşularaq təkliflər irəli sürdü.