2017-ci il iyunun 14-də Xəzər Universitetinin layihə koordinatoru Rima Məmmədova Beynəlxalq Miqrasiya Təşkilatı (BMqT) tərəfindən həyata keçirilən “Böhran kontekstində miqrantların müdafiəsinə dair milli məsləhətləşmələr” adlı konfransda iştirak etdi. Konfransda Dövlət Miqrasiya Xidmətinin rəis müavini Pərviz Musayev, Böhranla üzləşən Ölkələrdə Miqrantların Təşəbbüsü katibliyi Chiara Milano və Beynəlxalq Miqrasiya Təşkilatının Azəraycan üzrə nümayəndəliyinin rəhbəri Serhan Aktoprak çıxış etdilər. Görüş zamanı Qlobal kompakt və Böhranla üzləşən Ölkələrdə Miqrantların Təşəbbüsü haqqında məlumat verildi və mövzu ətrafında fikirlər söylənildi. Rima Məmmədova miqrantların təhsil, xüsusilə, ali təhsil əldə etmələrinin önəmli olduğunu və bu sahəyə daha çox diqqət ayrılmağının vacib olduğunu bildirdi.
Daha sonra konfrans müzakirə və təkliflərlə sona bitdi.