2017-ci il iyunun 5-i və 6-da Bakıda TAIEX proqramı Azərbaycan Milli Elmlər Akademiyası və Təhsil Nazirliyi ilə birgə “Təhsil-Elm-Startup və Tripl Heliks modeli” mövzusunda seminar təşkil etmişdi. Seminarda Xəzər Universiteti Magistartura, Doktorantura və Elmi İşlər bölməsinin müdiri f.ü.f.d. Eldar Şahgəldiyev və Neft mühəndisliyi departamentinin müdiri g-m.ü.f.d. Qəşəm Zeynalov iştirak etdilər.
Seminarın məqsədi Təhsil-Elm-Startup konsepsiyasının faydalarını izah etmək və Tripl Heliks modelinin (akademiya, hökümət, sənaye) strukturu ilə tanışlığı təmin etmək idi. Avropa Birliyinin dörd müxtəlif üzv ölkəsinin mütəxəssisləri biliklərə əsaslanan iqtisadiyyat və Tripl Heliks modeli ilə bağlı təcrübələrini iştirakçılarla paylaşdılar.