Xəzər Universiteti Tarix və arxeologiya departamentinin müəllimləri mütəmadi olaraq hər dərs ilində tədris edilən fənlərlə əlaqədar muzeylərə və sərgilərə ekskursiyalar təşkil edərək tələbələrin dünyagörüşünün genişlənməsinə çalışırlar. Belə ekskursiyalarda tələbələr əyani olaraq gördüklərini nəzəri bilikləri ilə əlaqələndirməyi öyrənir, onlarda maraq oyadan eksponatların tarixçəsini yadda saxladıqlarından dövr haqqında daha artıq biliklərə yiyələnirlər. Departamentin daha sıx əməkdaşlıq etdiyi muzey Azərbaycan Tarixi Muzeyidir, çünki bütün fakültələrdə Azərbaycan tarixi tədris edildiyindən bu muzeyin payına düşən ünsiyyət daha çox olur. Tarix və arxeologiya departamenti Azərbaycan Tarixi Muzeyinin rəhbərliyinə və bütün əməkdaşlarına dərslərin muzeydə təşkilində yaxından köməklik göstərdiklərinə görə təşəkkür edir, Xəzər Universiteti ilə əlaqə quran digər bütün muzeylərə minnətdarlıgını bildirir.