Mayın 24-də Heydər Əliyev adına Sarayda Çingiz Mehdipurun rəhbərlik etdiyi “Dalğa”  aşıqlar qrupunun konserti oldu. Təbrizdən gəlmiş qrupun konsertində   Azərbaycan aşıqları Nəbi Nağıyev və Əli Zeynalabdinov, müğənnilər Ayşən Mehdiyeva və Xəzər Universitetinin vokal müəllimi, Müslüm Maqomayev adına Dövlət Filarmoniyasının solisti, Çaykovski adına Moskva Konservatoriyasının magistrantı Məhsəti Cabbarova (Azaflı) da iştirak etmişlər.

Məhsəti Cabbarovanın (Azaflı) ifasında “Laçını Koroğlu” və “Bayramı” aşıq havaları səslənmişdir. O, Azərbaycan aşıq sənətində ilk dəfə olaraq “Bayramı” aşıq havasını  akademik obraz ifa tərzində tamaşaçılara təqdim etmişdir.

Konsert tamaşaçıların sürəkli alqışları ilə qarşılanmışdır.