2017-ci il mayın 27-də 28 May – Respublika Gününə həsr olunmuş Knotty Game intellektual oyununun Universitetlərarası Final mərhələsi Xəzər Universitetinin “Mərmər” zalında baş tutdu. IB Club Gənclər Mərkəzi, LIB –dil kursları və Xəzər Universiteti Tələbə Məclisinin tərəfdaşlığı ilə həyata keçən tədbirdə Xəzər Universiteti komandaları ilə bərabər, Bakı Dövlət Universiteti, Azərbaycan Dövlət Mədəniyyət və İncəsənət Universiteti, ADA Universiteti, Bakı Mühəndislik Universiteti, Bakı Ali Neft Məktəbi, Bakı Biznes Universiteti, Azərbaycan Dövlət İqtisad Universiteti, Azərbaycan Dövlət Neft və Sənaye Universitetinin tələbələri də mübarizə apardılar.

Oyun indiyədək müxtəlif universitetlərdə həyata keçirilmiş və hər universitetdən müəyyən komandalar finala vəsiqə qazanmışdır.

3 mərhələdən ibarət intellektual oyunda:1-ci mərhələ dünyagörüşü; 2-ci mərhələ məntiq; 3-cü mərhələ isə “risk sənindir” adlanırdı.

Yarışda 20 komanda iştirak edirdi və ilk 3 yeri tutan komanda IB Club Gənclər Mərkəzi və LIB dil kursları tərəfindən dəyərli mükafatlarla təltif olundu.