2017-ci il aprelin 20-dən 21-dək Xəzər Universiteti və Azərbaycan Müqayisəli Ədəbiyyat Assosiasiyasının birgə təşkilaçılığı ilə universitetin “Neftçilər” korpusunda “Müqayisəli ədəbiyyat və mədəniyyət: təkrarlanan mədəniyyətlərdə prototiplər və genomlar” adlı elmi-praktik konfrans keçirildi. Konfransı giriş sözü ilə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı açaraq qonaqları salamladı. Sonra Azərbaycan Müqayisəli Ədəbiyyat Assosiasiyasının prezidenti professor Rəhilə Qeybullayeva qonaqlara konfrans haqqında geniş məlumat verdi. Daha sonra ədəbiyyat və mədəniyyətin müxtəlif sahələri ilə əlaqədar məruzələr dinlənildi. Konfransda Finlandiyadan, Türkiyədən, Rusiyadan alimlər iştirak edirdilər.