Almatı, Qazaxıstan
Xəzər Universitetinin İnkişaf Mərkəzinin Direktoru Raziyə İsayeva Ali Təhsil Siyasəti İslahatlarında Tələbələrin rolu ilə bağlı HERE Seminarında iştirak edib. Seminarda tələbələrin ali təhsilin idarəsi və keyfiyyətinin təmin olunmasında iştirakı məsələsi müzakirə olunub. Seminarın əsas məruzəçiləri Avropa Tələbələr Birliyinin (ATB) nümayəndəsi Fernando Galan, İrlandiyada Tələbənin İştirakı ilə bağlı Tədqiqat Layihəsinin rəhbəri, Sean O'Reilly, Finlandiyada Universitet Tələbələrinin Milli Birliyinin idarə heyətinin üzvü, Jyri Lahdesmaa, SPARQS-ın direktoru Eve Lewis, İzrail Tələbə Birliyinin nümayəndəsi Mayaan Hagage oldular.
Seminarda 27 müxtəlif ölkədən olan iştirakçılar ayrı- ayrı mövzular üzrə müzakirələrə cəlb olundular. Birinci mövzu tələbələrin universitetin idarəsində iştirakı, ikinci keyfiyyətin təminatında tələbələrin rolu, üçüncü isə ələbələr milli islahat prosesində idi. Müzakirələrdə iştirakçılar mövzu ilə bağlı ideyalarını irəli sürdülər və sonda iştirakçıların milli, institusional və individual səviyyələrdə vəziyyətin yaxşılaşdırılması ilə bağlı tövsiyyələri səsləndirildi
Seminar 5-6 Aprel 2017-ci ildə Qazaxıstanın Almatı şəhərində NARXOZ Universitetində keçirildi. Seminar müxtəlif regionlar daxilində əməkdaşlıq, təlim və inkişaf proqramları ilə bağlı bir çox yeni fikirlərin səsləndirilməsi ilə başa çatdı.