2017-ci il yanvarın 24-də “Dünya” məktəbində tanınmış iş adamı, yazıçı və tədqiqatçı, Türkiyə və Azərbaycan Yazıçılar Birliyinin fəxri üzvü, professor Əli Poladla görüş keçirildi. Görüşün keçirilməsində məqsəd Əli Poladın yeni –“Suyun gücü”, “Yaşasın su içmək!”, “Su: həyat enerjim” kitablarının təqdimatı ilə bağlı idı. 

Tədbirdə Əli Poladın həyat yolunu əks etdirən və “Dünya” məktəbinin yaranma tarıxini işıqlandıran film nümayış olundu. 

O, suyun faydası haqqında danışdı və şagirdlərə mövzu ilə bağlı suallar verdi. Məktəbin 5 “B” sinif şagirdləri Aynur Abdullayeva və Alsu Əsədli su mövzusunda maraqlı təqdimat etdilər. Məktəbin qızlardan və oğlanlardan ibarət rəqs qrupu tədbirdə rəqs nümunələri nümayiş etdirdilər.

Tədbirdə tarix elmləri doktoru, professor Solmaz Tohidi və yazıçı-jurnalist, fəlsəfə doktoru, ATV kanalının vitse-prezidenti Etibar Babayev Əli Poladın yaradıcılığı və naşirlik sənəti ilə bağlı fikirlərini söylədilər.

Görüş Ə.Poladın və qonaqların məktəbin kitabxanasına ekskursiyası və kitablarını məktəb kitabxanasına hədiyyə etməsi ilə başa çatdı.