2016-cı il dekabrın 28-də Xəzər Universitetinin nəzdində fəaliyyət göstərən “Dünya” məktəbində (Sumqayıt) 31 Dekabr –Dünya Azərbaycanlılarının Həmrəylik Günü və Yeni ilə həsr edilmiş bayram şənliyi keçirildi. Şənliyə şagirdlər, onların valideynləri, müəllimləri və digər qonaqlar dəvət edilmişdirlər. Aparıcılar Azərbaycan, ingilis və rus dəllərində Dünya Azərbaycanlılarının Həmrəylik Günü, onun tarixi haqqında geniş məlumat verdilər. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı şənliyə toplaşanları ürkdən təbrik etdi. 

Məktəb şagirdlərinin ifasında şeirlər, mahnılar səsləndirildi, tamaşalar göstərildi. Müxtəlif viktorinalar keçirildi. Bayram şənliyində Sumqayıt Şəhər Mədəniyyət və Turizm İdarəsinin müdiri Mehman Şərifov, Sumqayıt Təhsil Şöbəsinin nümayəndələri, Xəzər Universitetinin İctimai əlaqələr və media üzrə direktoru Əlövsət Əmirbəyli, “Dünya” məktəbinin nümayəndələri iştirak edirdilər. Universitetin əməkdaşları Məhsəti Cabbarova, Marta Lauri və digər incəsənət nümayəndələrinin ifasında mahnılar və saz havaları səsləndirildi. 

Sonda şagirdlərə yeni il hədiyyələri təqdim edildi.