2016-cı il dekabrın 21-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Ankara Universitetinin Təhsil fakültəsində görüş keçirtdi. Fakültənin dekan əvəzi professor Fatma Bıkmaz, dekan müavini dosent Dilek Acer H.İsaxanlını səmimi salamlayaraq, ona fakültədə həyata keçirilən proqramlar, tədris edilən fənlər haqqında geniş məlumat verdilər. Təhsil fakültəsinin rəhbərliyi gələcəkdə Xəzər Universiteti ilə birlikdə müxtəlif mübadilə proqramlarının həyata keçirilməsinin zəruriliyini vurğuladılar.  İki dost universitetin Təhsil fakültələri arasında sıx əməkdaşlığın inkişaf etdirilməsi, iki universitet arasinda təhsilin bütün sahələrinə aid proqramlar həyata keçirmək üçün təkliflər paketi hazırlanması qərara alındı. 

Fakültə rəhbərliyi H.İsaxanlıya ziyarətə görə dərin təşəkkürünü bildirdilər.