2016-cı il dekabrın 20-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Ankara şəhərində Qazi Universitetinin rektoru professor İbrahim Uslanla görüşdü. H.İsaxanlı Qazi Universitetinin rektoruna Xəzər Universiteti haqqında geniş məlumat verdi və ona universitetin hədiyyəsini təqdim etdi. İbrahim Uslan isə Qazi Universiteti haqqında geniş məlumat verərək, universitetin qiymətli hədiyyələrini H.İsaxanlıya təqdim etdi. Görüş zamanı Xəzər Universiteti ilə Qazi Universiteti arasında əlaqələrin bundan sonra daha da genişləndirilməsinin vacibliyi vurğulandı.
Xatirə şəkilləri çəkildi.