2016-cı il dekabrın 20-də İngilis dili və ədəbiyyatı departamentinin müəllimi Xanım Əhmədovanın filologiya üzrə fəlsəfə doktoru elmi dərəcəsi almaq üçün “Dilin mahiyyəti ilə bağlı ingilisdilli mənbələrin araşdırılması” mövzusunda (German dilləri –5708.01) dissertasiya işinin departament üzrə ilkin müzakirəsi keçirildi.

Müzakirədə Şurasının üzvləri  olaraq, Xəzər Universitetinin Magistratura, doktorantura və elmi işlər bölməsinin müdiri Eldar Şahgəldiyev, İngilis dili və ədəbiyyatı departamenti müdirinin müavini Eynur Mehdiyev və müəllimləri İrina Orucova, Cəmalə Məmmədova, Milana Abbasova, Gülnar Abbasova iştirak edirdilər. Dəvət olumnuş qonaqlar, o cümlədən, elmi rəhbər ADU-nun Ümumi dilçilik kafedrasının professoru Fəxrəddin Veysəlli, rəyçilər ADU-nun prorektoru, filologiya elmləri doktoru, professor Əfqan Abdullayev, ADU-nun dosenti, İngilis dilinin leksikologiyası kafedrasının müdiri, filologiya üzrə fəlsəfə doktoru Amil Cəfərov, ADU-nun ümumi dilçilik kafedrasının dosenti, filologiya üzrə fəlsəfə doktoru Cəmil Babayev də iştirak edirdilər.

İclasda Xanım Əhmədova dissertasiya işini təqdim etdi. Sonra X.Əhmədova şura üzvləri və departament müəllimləri tərəfindən verilən suallara cavab verdi, dissertasiya işi haqqında yazılmış rəylərdə olan iradlara öz münasibətini bildirdi.

Sonda şura üzvləri tərəfindən dissertasiya qənaətbəxş həsab olundu və müdafiənin növbəti mərhələsinə buraxılmasına icazə verildi.