2016-cı il dekabrın 14-də Xəzər Universiteti ilə Azərbaycan Milli Elmlər Akademiyasının Neft və Qaz İnstitutu ilə elmi əməkdaşlığına dair görüş keçirildi. Görüşdə Xəzər Universitetinin Magistratura, doktorantura və elmi işlər bölməsinin müdiri f.e.f.d. Eldar Şahgəldiyev və universitetin Neft-qaz mühəndisliyi departamentinin doktorantları Ali Atefi və Məsud Mehrizadə, AMEA Neft və Qaz İnstitutu elmi işlər üzrə direktor müavini professor Vaqif Qulamov, g.-m.ü.f.d. Rauf Nadirov, AMEA Neft və Qaz İnstitutunun baş mühəndisi Rauf Mukimov iştirak edirdilər. Tərəflər arasında gələcək perspektiv əməkdaşlığa dair fikir mübadiləsi aparıldı.