2016-cı il dekabrın 10-da Xəzər Universitetində Azərbaycan Respublikası Prezidenti yanında Gənclər Fondunun 8-ci qrant müsabiqəsinin qalibi olmuş “Elm şənliyi” layihəsi çərçivəsində keçirilən “Qədim Şərq tarixi, coğrafiyası, mədəniyyəti və ədəbiyyatı üzrə yarış”ın yarımfinal mərhələsi keçirildi. Layihənin rəsmi tərəfdaşları Xəzər Universiteti, Azərbaycan Respublikası Prezidenti yanında Gənclər Fondu, Azərbaycan Milli Elmlər Akademiyasının Arxeologiya və Etnoqrafiya İnstitutu, Misir Mədəniyyət Mərkəzi və Azərbaycan Arxeoloqlar Cəmiyyətidir.

Tədbirdə Xəzər Universiteti İctimaiyyətlə əlaqələr və media üzrə direktoru Əlövsət Əmirbəyli, Tarix və arxeologiya departamentinin müdiri Roza Arazova, həmin departamentinin müəllimi Orxan Zamanov və digər universitetlərin müəllimləri iştirak edirdilər. Yarışda 7 komanda mübarizə apardı. Yarşıda Xəzər Universiteti, Azərbaycan Dövlət Pedaqoji Universiteti (ADPU), ADPU-un Şamaxı filialı, Dövlət İdarəçiliyi Akademiyası (DİA), Bakı Qızlar Universiteti, Mədəniyyət və İncəsənət Universiteti və Azərbaycan Texniki Universiteti təmsil olunurdu.

Bilik yarışın yarımfinal mərhələsinin nəticələrinə əsasən, final mərhələsinə Azərbaycan Respublikası Prezidenti yanında Dövlət İdarəçilik Akademiyası, Azərbaycan Dövlət Pedaqoji Universiteti, Bakı Qızlar Universiteti, Azərbaycan Dövlət Pedaqoji Universitetinin Şamaxı Filialını təmsil edən komandalar çıxdı.

Final mərhələsi dekabrın 23-də Xəzər Universitetinin “Mərmər” salonunda (Xəzər Universiteti, Məhsəti küç., 41, “Neftçilər” kampusu) keçiriləcək.