Xəbər verdiyimiz kimi, Əfqanıstan, Qambiya, İran, İraq, Pakistan, Fələstin, Türkiyə, Yəmən və Zimbabvedən olan 13 xarici tələbəmiz noyabrın 17-də Azərbaycan Respublikasının Prezidenti yanında Gənclər Fondunun “Azərbaycan xalqının əvəzsiz sərvəti - multikulturalizm ənənələri” layihəsi çərçivəsində Azərbaycanda multikulturalizm mövzusuna həsr olunan sosial reklamın çəkilişində iştirak etmişdilər (www.khazar.org və “Xəzər Xəbər”jurnalı, noyabr 2016-cı il)
Dekabrın 1-də Beynəlxalq Mətbuat Mərkəzində“Biz fərqliyik, amma hamımız Azərbaycandayıq” adlı həmin videoçarxın təqdimatı keçirilmişdir.
Layihənin müəllifi Cahangir Nəsirov bildirib ki,
hazırlanan sosial çarxın çəkilişləri Xəzər Universitetində aparılıb. Çəkilişlərdə
11 müxtəlif ölkədən olan tələbələr iştirak ediblər.
Layihənin məqsədi ilə bağlı məlumat verən layihə rəhbəri qeyd edib ki, milli məfkurəni,
tarixə söykənən milli dəyərlərimizi qorumaq hər bir gəncin borcudur. Ölkəmizi
dünyada digər xalqlardan fərqləndirən önəmli dəyərlərindən biri də
multikulturalizm ənənələrimizdir. Məqsədimiz gənclərimizi milli dəyərlərimizi
qorumağa çağırmaq, ölkə rəhbərinin elan etdiyi “Multikulturalizm ili”nə gənclərin
bir töhfə verməsinə nail olmaq, Azərbaycanın multikulturalizm istiqamətində
böyük təcrübəsini bölüşmək və sairdir.
Çəkilişlərdə iştirak edən xarici tələbələr Azərbaycan haqqında sevgilərini,
burda onlara göstərilən qardaşlıq münasibətindən söhbət açıblar.
Tədbirdə çıxış edənlər gənclərin multikulturalizm dəyərlərinə göstərdiyi bu
diqqəti alqışladılar, təqdim olunan videoçarxın peşəkarlıqla hazırlandığını
söylədilər. Çəkilişlərdə iştirak edən xarici tələbələrin çıxışlarının öz dillərində
olması videoçarxın daha maraqlı olmasına səbəb olub və bu xarici vətəndaşların
da çarxı izləmələrinə zəmin yaradacaq.
Tehsil-press informasiya agentliyi tədbirdən xəbər vermişdir:http://tehsil-press.az/index.php?newsid=15424
Hazırlanmış videoçarx mediada yayımlanmışdır. Videonu bu linkdə izləmək olar: https://www.youtube.com/watch?v=75Wd2s9qTbA&t=15s.