2016-cı il noyabrın 28-i və 29-da Xəzər Universiteti İnkişaf Mərkəzinin layihə meneceri Ülkər Bayramova Avropa Komissiyasının Erasmus+ proqramı çərçivəsində Ukraynanın Kiyev şəhərində təşkil olunmuş “Şərq Əməkdaşlığı – Erasmus+ əlaqə seminarı”nda iştirak etdi. Həmin seminarda Avropa ölkələrindən və tərəfdaş ölkələrədən 200-ə qədər universitet və Milli Erasmus+ ofislərinin rəhbərləri iştirak edirdilər. Seminarın ilk günü Avropa Komissiyasının baş direktoru Claire Morelin, Avropa Komissiyasının Ukrayna üzrə səfiri Hugues Mingarelli və Ukrayna Təhsil və Elm Nazirinin birinci müavini Vladimir Kovtunts açılış nitqi söylədilər. Bundan sonra, seminar öz işini müxtəlif sessiyalarda davam etdirdi, universitetlərarası danışıqlar aparıldı.

Seminarın ikinci günü uğurlu Erasmus+ qrant layihələri təqdim etmək üçün müəyyən məlumatlar verildi, layihələrin yazılması və idarə olunması zamanı qarşıya çıxan problemlərin həll olunması yolları, tələbə və administrativ işçilərin mobilliyi və s. məsələlər müzakirə edildi.