2016-cı il noyabrın 5-də Xəzər Universiteti Tələbə Məclisinin təşkilatçılığı ilə tələbələrin midterm imtahanlarında daha uğurlu olması üçün tanınmış psixoloq, Psixologiya və Konsultasiya Mərkəzinin rəhbəri Elnur Rüstəmov tərəfindən “İmtahanlara psixoloji hazırlıq” adlı seminar keçirildi.

Elnur Rüstəmov tələbələrə imtahan zamanının düzgün bölünməsi, diqqətin korreksiyası, motivasiya, həyəcanın aradan qaldırılması, stress, depressiya, təşvişi nevrotik pozuntular haqqında məlumat verdi.

 E.Rüstəmov Xəzər Universitetinin tələbələri ilə diskusiya aparmaq və onlara seminar vermək onun üçün çox xoş olduğunu qeyd etdi. Tələbələrin rəylərini alaraq, yaxın aylarda belə psixoloji seminarların daha da çox keçirilməsi planlaşdırılır.

Seminara 35 nəfərə yaxın tələbə iştirak edirdi.