2016-cı il oktyabrın 28-də Xəzər Universitetinin nəzdində fəaliyyət göstərən “Dünya” məktəbinin V sinif şagirdləri “Təmiz şəhər “ASC-nin Balaxanı Bərk Məişət Tullantılarının Çeşidlənməsi Zavodu və Bərk Məişət Tullantılarının Yandırılması Zavoduna ekskursiyaya getmişdilər . Səhmdar Cəmiyyətin nümayəndəsi şagirdlərə Balaxanı Bərk Məişət Tullantılarının Çeşidlənməsi Zavodunun fəaliyyəti barədə ətraflı məlumat verərək, qeyd etdi ki, çeşidləmənin aparılması nəticəsində təkrar emal üçün yararlı olacaq kağız, şüşə, plastik, əlvan metal, dəmir və digər xammallar ayrılır ki, bu da tullantıların ümumi həcmini azaldır, ucuz xammal bazarı formalaşdırır, ölkədə təkrar emal qurulmasına zəmin yaradır, enerjiyə qənaət olunur və ən önəmlisi, tullantıların ətraf mühitə mənfi təsirini azaldır.

Şagirdlərə çeşidləmə və yandırılma prosesləri əyani şəkildə göstərildi və sonda şagirdləri maraqlandıran suallar cavablandırıldı.