Xəzər Universitetinin əməkdaşları Azərbaycan Respublikası Prezidenti yanında Elmin İnkişafı Fondu tərəfindən 2015-ci ildə elan edilmiş (EİF-KETPL-2015-1(25)) “Kompleks Elmi-Tədqiqat Proqramları üzrə layihələr” Qrant proqramı müsabiqəsinin qalibi olmuşlar. Qrant “İslanma qabiliyyətinin dəyişməsinin nəzəri və eksperimental tədqiqi və onun karbohidrogen hasilatına mümkün təsiri” mövzusuna həsr edilmişdir və 24 ay müddətində yerinə yetiriləcək. Layihənin rəhbəri Neft-qaz mühəndisliyi departamentinin müdiri Qəşəm Zeynalovdur. Xəzər Universitetinin Neft-qaz mühəndisliyi departamentinin müəllimi və yeni doktorantı İzat Şahsenov, Elektronika və telekommunikasiya departamentinin müdiri Nuru Səfərov və Tədris işləri üzrə prorektor, professor Məhəmməd Nuriyev də layihənin içraçılarıdır. Qrant layihəsində, həmçinin, AMEA Neft və Qaz İnstitutu , Azərbaycan Dövlət Neft və Sənaye Universiteti, Bakı Ali Neft Məktəbi, Azərbaycan Neft Mühəndisləri Cəmiyyətinin əməkdaşları da iştirak edəcəklər.

Qrant müsabiqəsinin nəticələri haqqında geniş məlumatı aşağıdakı linklərdən əldə etmək olar:

http://sdf.gov.az/development/uploads/cari_qrant/elan_siyahi_-ketpl-2.pdf;

http://sdf.gov.az/development/uploads/cari_qrant/press-reliz_-_neticeler_ketpl-2.pdf;

http://sdf.gov.az/development/uploads/cari_qrant/elan_netice_-ketpl-2.pdf.