2016-cı il oktyabrın 20-də Yunus Əmrə İnstitutu Xəzər Universitetin tələbələri ilə görüş keçirdi. Görüşdə tələbələrə institutun gördüyü işlər barədə video çarxlar təqdim olundu, Türkiyədə təhsil almaq arzusunda olan tələbələr üçün türk dili kurslarının təşkil olunması, türk ədəbiyyatının ən böyük şair və yazıçılarından biri olan Ə.H.Tanpınar haqqında “Əhməd Hamdi Tanpınarı kəşf edirəm” devizi altında keçiriləcək məqalə-esse yarışması haqqında geniş məlumat verildi. İnstitutun gördüyü işlər və təqdim etdiyi proqramlar tələbələrin dərin marağına səbəb oldu. Sonda Azərbaycan dili və ədəbiyyat departamentinin rəhbəri dosent Vurğun Əyyub təqdimat və təkliflərə görə qonaqlara təşəkkür etdi, tələbələri dil kurslarında və Ə.H.Tanpınarla bağlı yarışmada iştirak etməyə çağırdı.