2016-ci il oktyabrın 21-də “Əlilliyi olan şəxslərin Azərbaycanın ali təhsil müəssisələrinə inteqrasiyasının təməlinin qoyulması” (ESFİDİP) Tempus layihəsi çərçivəsində Xəzər Universitetinin inzibati işçiləri üçün təlim-seminar keçirildi. Təlim-seminar zamanı Xəzər Universiteti Əlilliyi olan Tələbələr üçün Mərkəzin koordinatoru Rima Məmmədova tələbələrə əlillik, əlilliyi olan tələbələrlə etik davranış və düzgün ünsiyyət, inkluziv təhsil, ESFİDİP Tempus layihəsi, Əlilliyi olan Tələbələr üçün Mərkəz və könüllülük haqqında geniş məlumat verdi.

Təlim-seminarda Təhsil fakültəsinin dekanı Elza Səmədova, Beynəlxalq Əlaqələr Ofisinin direktoru Turan Cəfərova, Mühəndislik və tətbiqi elmlər fakültəsinin dekan müavini Vəfa Aslanova, Təhsil fakültəsinin dekan assistenti Aysel Qasımova, İqtisadiyyat və menecment fakültəsinin dekan müavinin assistenti Bahar İmanova, Humanitar və sosial elmlər fakültəsinin dekan assistenti Nüşabə Tağıyeva, Kitabxana İnformasiya Mərkəzinin kitabxanaçısı Cəmilə Quliyeva və Xəzər Universitetinin dizayneri Sevinc Şəfiyeva iştirak etdilər.

Təlim-seminar zamanı iştirakçılar mövzu barədə öz fikirlərini və təkliflərini bildirdilər.