2016-cı il oktyabrın 17-də Xəzər Universitetinin  Mərmər salonunda  Amerika Muğam Cəmiyyətinin sədri, tanımış musiqiçi Ceffri Verbokun solo konserti oldu. Konsertdə universitetin rəhbərliyi, müəllim və tələbələr iştirak edirdilər.

Universitetin Musiqi və incəsənət departamentinin müdiri, dosent Zülfiyyə Sadıqova Ceffri Verbokun həyat və yaradıcılığı, bir neçə milli musiqi alətimizdə ifa etməklə muğamlarımızın xarici ölkələrdə təbliği sahəsindəki fəaliyyəti haqqında məlumat verdi.

Ceffri Verbok tar və kamançada Azərbaycan müğamlarını ifa etdi və iştirakçıların suallarını cavablandırdı. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı maraqlı konsertə görə Ceffri Verboka təşəkkürünü bildirdi və ona sertifikat təqdim etdi.