2016-cı il oktyabrın 14-də Xəzər Universitetinin “Potensial məktəb direktorları” kursunu uğurla başa vurmuş və 232 saylı məktəbə direktor vəzifəsinə yeni təyin olunmuş Məhluqə Əzizovanın dəvətilə Xəzər Universiteti Təhsil fakültəsinin dekanı Ph.D Elza Səmədli “Məktəb-universitet əməkdaşlığı” Layihəsi çərçivəsində valideyn və müəllim kollektivi ilə görüşdü. Görüşün məqsədi valideynlərə kurrikulum sistemini daha yaxından tanış etmək, müəllimlərin çətinliklə qarşılaşdıqları mövzularda onlara kömək etmək idi. Görüşdə valideynlərə qaranlıq qalan məsələlərə, ən əsas isə qiymətləndirmədə yaranan problemlərə aydınlıq gətirildi. Sonda isə məsələlərin əsas həllində müəllimlərin böyük rolu olduğunu qeyd olundu.
Görüş bitdikdən sonra Ph.D Elza Səmədli müəllimlərlə ayrıca görüşərək, onları maraqlandıran məsələlər üzərində müzakirə apardı.