2016-cı il oktyabrın 12-də “Dünya” məktəbinin IV sinif şagirdləri Qala qəsəbəsində “Qala” Dövlət Tarix-Etnoqrafiya Qoruğunda V Beynəlxalq “Tullantıdan sənətə” sərgisində iştirak etdilər.
Məişət tullantılarından, lazımsız əşyalardan istifadə olunaraq hazırlanmış sənət əsərlərinin təqdim edildiyi sərgidə 8 ölkədən 25 incəsənət nümayəndəsinin əl işləri nümayiş olunurdu. Sərginin əsas məqsədi əhaliyə ətraf mühiti təmiz saxlamağın vacibliyini aşılamaq, onları lazımsız saydıqları əşyaları düşünmədən zibil qutularına atmaq vərdişlərindən çəkindirməkdir.
Qeyd edək ki, “Tullantıdan sənətə” sərgisi 2010-cu ildən etibarən Heydər Əliyev Fondunun təşəbbüsü ilə “Təmiz şəhər” ASC-nin Qala qəsəbəsində həyata keçirdiyi “Təmiz Qala” adlı pilot layihə çərçivəsində təşkil olunur. 2015-ci ildən etibarən Qalada “Tullantıdan sənətə” muzeyi də fəaliyyət göstərir.
Qeyd: Şəkillər üçün baxın:http://dunyaschool.az/2016/10/12/sagirdlər-qala-dovlət-tarix-etnoqrafiya-qorugunda-v-beynəlxalq-tullantidan-sənətə-sərgisində-istirak-etdilər/.