2016-cı il oktyabrın 11-də Xəzər Universitetinin rektoru Dr. Hassan Niknafs 2016-17-ci tədris ilində bakalavr pilləsi üzrə qəbul olunmuş beynəxlaq tələbələrlə görüşdü. Görüşdə Tədris işləri üzrə prorektor professor Məhəmmməd Nuriyev, Beynəlxalq əlaqələr şöbəsinin direktoru Turan Cəfərova və koordinatoru Günay Fərzəliyeva iştirak edirdilər. Beynəxalq əlaqələr şöbəsinin təşkil etdiyi görüş universitetin “Neftçilər” kampusunda baş tutdu.

Tələbələri salamlayan Dr. Hassan Niknafs görüşü tələbələrin tədris planı ilə bağlı mühüm məsələlərin müzakirəsi ilə başladı. Tələbələr də təhsillə bağlı onları narahat edən məsələləri universitet rəhbərliyi ilə bölüşdülər. Turan Cəfərova beynəlxalq tələbələrə yaxın günlərdə onlarla məlumat məzmunlu görüşün keçiriləcəyi barədə məlumat verdi.  

Qeyd edək ki, cari tədris ili üzrə Xəzər Universitetinə Əfqanıstan, Kamerun, Qambiya, İran, İraq və Zimbabvedən bakalavr səviyyəsi üzrə təhsil almaq üçün tələbələr qəbul olunmuşlar.