Oktyabrın  5-də Xəzər Universitetinin rektoru Hassan Niknafsın sədrliyi ilə universitet elmi şurasının növbəti iclası keçirildi. İclasın gündəliyinə əsasən Elmi Şuranın tərkibi və yeni dərs ilində tədrisin təşkili haqqında prorektor Məhəmməd Nuriyevin, məzunlar haqqında fakültə dekanları İnqilab Əhmədov(İqtisadiyyat və menecment), Cabir Xəlilov(Humanitar və sosial elmlər), Elza Səmədova(Təhsil)və dekan müavini Vəfa Aslanovanın(Mühəndislik və tətbiqi elmlər), Dillər və mədəniyyətlər departamentinin müdiri, ilahiyyat elmləri üzrə fəlsəfə doktoru Elnurə Əzizovaya dosent elmi adının verilməsi ilə bağlı Azərbaycan Respublikasının Prezidenti yanında Ali Attestasiya Komissiyası qarşısında vəsatət qaldırılması haqqında Magistratura, Doktorantura və Elmi İşlər bölməsinin müdiri Eldar Şahgəldiyevin məlumatları dinlənildi və müvafiq qərarlar qəbul edildi.

Elmi Şuranın iclasında 2015-2016-cı tədris ilinin nəticələrinə əsasən səmərəli və məsuliyyətli fəaliyyətlərinə görə universitetin bir qrup müəllim və inzibati işçisi – Firəngiz Nəsirova, Könül Məhyəddinova,  Ceyhun Məmmədov, Əli Hüseynli, Lamiyə Namazova, Lyudmila Sotova və Turan Cəfərova təşəkkürnamə və pul mükafatı ilə təltif olundular.

İclasda cari məsələlər də müzakirə olundu.