2016-cı il sentyabrın 18-də “Dünya” məktəbində dahi bəstəkar, musiqişünas-alim, publisist, dramaturq, pedaqoq və ictimai xadim, müasir Azərbaycan musiqi sənətinin və milli operasının banisi Üzeyir Hacıbəyovun anadan olmasının ildönümü münasibətilə tədbir keçirildi. Tədbir iştirakçılarına Üzeyir sənəti haqqında məlumat verildi, sənədli film nümayiş etdirildi.

Artıq bir neçə gündür ki, “Dünya” məktəbində Üzeyir Hacıbəyliyə həsr olunmuş tədbirlər silsiləsi davam edir. Bəstəkarın əsərlərindən parçalar dinlənilir, müəllim və şagirdlər dahi sənətkarın xatirəsini anır, haqqında söhbət açılır.

Hər il olduğu kimi, siniflər qrup şəklində bu il də Uzeyir Hacıbəylinin ev muzeyini ziyarət edirlər. Dahi bəstəkar haqqında şagirdlərə məlumat verilir.

Üzeyir Hacıbəyovla eyni gündə anadan olan Azərbaycan bəstəkarı, dirijor, pedaqoq, folklorşünas, ictimai xadim, Azərbaycan musiqisində Avropa stilində ilk operanın müəllifi (“Nərgiz”, 1935), Azərbaycan SSR Əməkdar incəsənət xadimi Müslüm Maqomayevin də (18 sentyabr 1885 – 28 iyul 1937) xatirəsi yad olunur.