2016-cı il sentyabrın 15-də Xəzər Universiteti Tarix və arxeologiya departamentində 1-ci kurs tələbələri ilə görüş təşkil olunmuşdu. Görüşdə Tarix və arxeologiya departamentinin müdiri Roza Arazova çıxış etdi. Roza Arazova Xəzər Universitetinin hansı çətinliklərlə yaradıldığı, bu günə kimi keçdiyi məşəqqətli və uğurlu yol haqqında tələbələrə danışdı.

Görüşdə 1-ci kurs tələbələri ilə yanaşı, Tarix və arxeologiya departamentinin müəllimləri Təranə İsayeva və Orxan Zamanov, departament müdirinin assistenti Akifə Cəfərli, yuxarı kurs tələbələri və məzunları da iştirak edirdilər. Departamentin müəllimləri Təranə İsayeva və Orxan Zamanov öz xoş arzularını söylədikdən sonra tələbələrə tələbə biletlərini tədqim etdilər. Yuxarı kurs tələbələri və məzunları da öz ürək sözlərini və məsləhətlərini davamçılarına söylədilər.

Daha sonra tarix və arxeologiya departamentinin təşkil etdiyi seminarlar, görüşlər, müzeylərə və rayonlara edilmiş səyahətlərdən ibarət videorolik göstərildi.

Son olaraq, departament müdirinin assistenti Akifə Cəfərli qısa bir ekskursiya ilə tələbələri universitetlə tanış etdi.