2016-cı il sentyabrın 2-də Xəzər Universiteti Təhsil fakültəsinin dekanı PhD. Elza Səmədova departamentlərin nümayəndələrinin iştirakı ilə iclas keçirdi. İclasda dekan müavinləri Zərifə Əliyeva və Aygün Verdiyeva, Bioloji elmləri departamentinin müdiri İradə Xəlilova, Tarix və arxeologiya departamentinin müdiri Roza Arazova, Coğrafiya və ətraf mühit departamentinin müdiri Rövşən Abbasov, Elektronika, telekommunikasiya və radio mühəndisliyi departamentinin müdiri Nuru Səfərov, Riyaziyyat departamentinin müdiri Əli Hüseynli iştirak edirdilər.
İclasın məqsədi yeni tədris ilində olacaq yeniliklər və düzəlişlər barəsində müzakirə aparmaq idi. İclasda yeni tədris ilinin proqramları və qəbul planının, dərs yükünün və sillabusların, müəllimlərin peşəkarlıq səviyyəsini artırmaq üçün təşkil olunacaq təlimin və müəllimlərin etik davranışlarının müzakirəsi keçirildi. Həmçinin, 1-ci il tələbələri ilə görüşün təşkili, departament müdirləri ilə tanışlıq və universitet ilə ümumi tanışlığın keçirilməsi ilə bağlı danışıqlar oldu.
Sonda isə tədris planı müzakirə edildi və E.Səmədova departmentlərin hər birindən tədris planının yekun formasının hazırlanmasını xahiş etdi.