2016-cı il iyunun 29-da Xəzər Universitetində “Tvininq” layihəsi çərçivəsində Azərbaycanda doktorantura təhsilinin inkişafı ilə bağlı görüş keçirildi. Görüşdə Xəzər Universitetinin Tədris işləri üzrə prorektoru professor Məhəmməd Nuriyev, Magistartura, doktorantura və elmi işlər bölməsinin müdiri f.e.f.d. Eldar Şahgəldiyev, AMEA Fəlsəfə və Hüquq İnstitutunun əməkdaşı professor Adil Əsədov, Təhsil problemləri İnstitutunun əməkdaşı akademik Humeyir Əhmədov, EHEA “Tvininq” layihəsi müşaviri Reijo Aholainen, Estoniya ali təhsil məsələləri üzrə ekspert Mati Heidmets və digərləri iştirak edirdilər.
Tədbir iştirakçıları Azərbaycanda doktorantura səviyyəsində təhsilin inkişafı, yüksək səviyyəli kadrların yetişdirilməsi, doktorantura pilləsi üzrə təhsildə mövcud olan problemlərin aradan qaldırılması məsələlərini müzakirə etdilər.
Görüşdə həmçinin universitetlərə daha çox səlahiyyət verilməsi, müdafiələrin universitetlərdə təşkil olunması və diplomalrın universitetlər tərəfindən verilməsi barədə məsələlərə də toxunuldu.