İyunun 21-23-də Mədəniyyət və Turizm Nazirliyi və Azərbaycan Rəssamlar İttifaqının birgə təşkilatçılığı ilə ittifaqın Vəcihə Səmədova adına sərgi salonunda gənc rəssam Əfşan Əsədovanın “Yasəmən” adlı rəsm sərgisi nümayiş etdirilib. Sərginin açılış mərasimndə Xəzər Universiteti Musiqi və incəsənət dapartamentinin müdiri, dosent Zülfiyyə Sadıqova, departementin müəllimi, xalça rəssamı Afaq Kərimova, universitetin rəssamı Mir Rafiq Əbdülrəhimov, “Xəzər Xəbər” jurnalının dizayneri Nigar Aydəmirova və tələbələr də iştirak iştirak edirdilər.
Tədbirdə Azərbaycan Rəssamlar İttifaqının katibi, Xalq rəssamı Ağəli İbrahimov, Əməkdar incəsənət xadimi Ziyadxan Əliyev, Almaniya-Azərbaycan Cəmiyyətinin sədri, kulturoloq Çingiz Abdullayev çıxış edərək, sərginin əhəmiyyətindən danışıblar.
Qeyd olunub ki, istedadlı fırça ustasının sərgiyə təqdim etdiyi sənət əsərləri əsasən batika, qrafika və moda janrındadır. Həm janr müxtəlifliyi, həm də işlənmə texnikası ilə maraq doğuran sənət əsərləri zəngin dünyagörüşün və gərgin əməyin bəhrəsidir. Sərgidə nümayiş olunan 40-dək sənət əsəri müxtəlif mövzuları əhatə edir. Emosional hisslərin rənglərlə ifadəsi və fəlsəfi yanaşma sənət əsərlərinin əsas mövzularındandır.
Ə.Əsədova çıxış edərək, sərginin təşkilində əməyi olan hər kəsə təşəkkürünü bildirib. Sonra iştirakçılar sərgi ilə tanış olublar.
Sərginin açılış mərasimindən AZƏRTAC informasiya agentliyi (http://azertag.az/xeber/Genc_ressam_Afsan_Asedovanin_ferdi_sergisi_achilib-963504), Salamnews (http://az.salamnews.org/az/news/read/224735), Az.Baku (http://az.baku-art.com/index.php?newsid=16464#.V20cUfmLTcs) saytları xəbər yaymışlar.