2016-cı il iyunun 15-də Xəzər Universitetinin “Imagine” komandası “Tələbə dünyası” televiziya proqramında çıxış etdi. Proqram AzTV-də –dövlət televiziya kanalında yayımlanır.
Komandanın verilişdəki çıxışı P2P: Ekstremizmə qarşı Mübarizə Proqramında qalibiyyətlərinə və öz marketinq kampaniyalarını ABŞ-da əsas münsiflər heyəti qarşısında təqdim etmək və əsas mükafatı qazanmaq üçün yola düşəcəyi qarşıdan gələn səfərə həsr olunmuşdu.
Komandanın üzvləri proqramda iştirakları, marketinq kampaniyaları üzərində gördükləri işləri ilə bağlı təcrübələri və 2016-cı il iyunun 27-də Vaşinqtonda (ABŞ) keçirəcəkləri təqdimata hazırlıqları haqqında danışdılar. Dinarə Katibli komandanın adının yaranması haqqında məlumat verdi: “Demək olar ki, hər layihə “Gəlin, təsəvvür edək!” sözləri ilə başlayır və biz də komanda olaraq istədik ki, bu dünyanı ekstremizm olmadan təsəvvür edək”. Nərmin Zəri ABŞ-da olacaq təqdimat və komandanın gözləntiləri haqqında danışdı. Erlan Süleymanov gənc nəsilləri zorakı ekstremizmin müxtəlif formalarından qorumağın vacibliyini vurğuladı. Əlihüseyn Ağayev isə komandanın onlayn fəaliyyəti və bunun müxtəlif sosial media şəbəkələrdə kampaniyanın təbliğində və daha böyük kütləyə çatdırılmasında necə rol oynadığından bəhs etdi.
Beynəlxalq Əlaqələr Şöbəsinin direktoru Turan Cəfərova P2P: Ekstremizmə qarşı Mübarizə Proqramı, onun məqsədi və Xəzər Universitetinin proqramda iştirakı haqqında müsahibə verdi.