2016-cı il iyunun 14-də 2016-2017-ci tədris ili üçün beynəlxalq qəbulun seçim prosesi sona çatdı. Seçim prosesinin nəticələri bütün namizədlərə email vasitəsilə bildirildi.

Xəzər Universitetində seçim prosesi üç (3) mərhələdən: ərizələrə ilkin baxış, onların nəzərdən keçirilməsi və yarı finalçıların müsahibəsindən ibarətdir və hər fakültə tərəfindən yaradılmış seçki komitələri tərəfindən həyata keçirilir.

Dünyanın hər yerindən bir çox namizədlər Xəzər Universiteti və onun təklif etdiyi Beynəlxalq Təqaüd Proqramına böyük maraq göstərdi. Bunun nəticəsi olaraq universitetə 50-ə yaxın ölkədən 600-dan çox ərizə daxil oldu. Beynəlxalq qəbulun elan olunduğu gündən son müraciət tarixinə qədər, qəbul şərtləri haqqında ətraflı məlumat vebsaytda mövcud idi və maraqlanan namizədlərə müxtəlif kommunikasiya kanalları vasitəsilə bildirilirdi. Buna baxmayaraq, tələb olunan sənədlərdən bir qismi olmayan bütün ərizələrin 30%-i həcmində olan digər ərizələr ilkin seçim prosesi olan ərizələrə baxış mərhələsinə keçmədi.

Əvvəlki illərdə olduğu kimi, universitetə böyük həcmdə yüksək rəqabətli ərizələr daxil oldu. Seçki komitəsi üçün bir çox güclü namizəd arasından ən yaxşıları seçmək kifayət qədər çətin bir tapşırıq idi. Bir sıra namizədlər tam təqaüd qazandılar. Namizədlərin marağını və güclü ərizələrin sayını nəzərə alaraq, seçki komitəsi məhdud sayda güzəştli təqaüdlər də təklfi etdi.

Biz Xəzər Universitetinə göstərdikləri marağa və ərizə formaları üzərində sərf etdikləri vaxta görə bütün namizədlərə təşəkkürümüzü bildiririk. 2016-2017-ci tədris ilində yeni əcnəbi tələbələri universitetdə görməyi səbirsizliklə gözləyirik.