2016-cı il iyunun 9-da Xəzər Universitetinin Neftçilər kampusunda Bragança Politexnik İnstitutunun nümayəndələri ilə görüş baş tutdu.

Bragança Politexnik İnstitutu Portuqaliyada tətbiqi elmlər universitetidir. Görüşdə institutu kimya mühəndisliyi üzrə professor və Porto Universitetində (Portuqaliya) Dövlət Laboratoriyasının daimi üzvü Dr. Simão Pinho və İqtisadiyyat və Menecment Departamenti və Bragança Politexnik İnstitutunun Texnologiya və Menecment fakültəsinin nümayəndəsi Dr. Paula Odete Fernandes təmsil edirdi.

Xəzər Universitetindən isə rektor Dr. Hassan Niknafs, tədris işləri üzrə prorektor professor Məhəmməd Nuriyev, İnkişaf Mərkəzinin direktoru Raziyə İsayeva, Keyfiyyətin Təminatı Şöbəsinin direktoru Lyudmila Sotova və Beynəlxalq Əlaqələr Şöbəsinin direktoru Turan Cəfərova görüşdə iştirak etdilər.

Görüşün məqsədi akademik və elmi tərəfdaşlıq imkanlarını araşdırmaq, Erasmus+ proqramı çərçivəsində əməkdaşlığı və ikili dərəcə proqramların yaradılmasını müzakirə etmək idi.