2016-cı il iyunun 13-də Xəzər Universiteti “Dünya” məktəbində təşkil olunan şahmat seansı uğurla başa çatdı. Seansda Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və “Dünya” məktəbinin təsisçisi Nailəxanım İsayeva, məktəb rəhbərliyi, uşaqlar arasında respublika çempionları və mükafatçılarından ibarət qrup, şagirdlər, valideynlər iştirak edirdilər.
Tədbirin açılışında çıxış edən professor Hamlet İsaxanlı şahmatın əhəmiyyətindən danışaraq, seansın keçirilməsini təqdir etdi və belə tədbirlərin uşaqların məntiqi təfəkkürünün inkişafı baxımından xüsusi qiymətləndirdi.
Seansı “Dünya” məktəbinin şahmat müəllimi, FİDE ustası Elşad Rzayev aparırdı. Eyni zamanda, tədbirdə məktəbin şahmat müəllimi Şəlalə Hüseynova da iştirak edirdi. 45 lövhə üzərində eyni vaxtda oyunların gedişi gərginliklə bərabər, həm də xoş təəssüratlar yaratdı.
Qaliblər xüsusi diplom və hədiyyələrlə təltif olundular.