2016-cı il iyunun 12-də Azərbaycan dili və ədəbiyyatı departamentinin assistenti Günel İsmayılovanın təşəbbüsü ilə həmin departamentdə Azərbaycan dili və mədəniyyətini öyrənən Polşadan gəlmiş sərbəst tədqiqatçı Julia Krajcarz Azərbaycan Milli Elmlər Akademiyasının Mərdəkanda yerləşən Dendrologiya İnstitutuna səfər etdilər. Bura vaxtilə neft milyonçusu və xeyriyəçi Murtuza Muxtarovun bağ evi olmuşdur. XX əsrdə rus şairi Sergey Yesenin də bu məkanda yaşamışdır. Onlar əvvəlcə Murtuza Muxtarovun ev muzeyinə daha sonra isə Yeseninin ev muzeyinə baş çəkdilər. Səfər zamanı Denrologiya İnstitutunun ərazisində müxtəlif quş növləri və bitki örtüyü ilə də tanış oldular.