2016-cı il iyunun 1-də 1 İyun – Uşaqların Beynəlxalq Müdafiə Günü münasibətilə Xəzər Universiteti “Dünya” məktəbində rəsm sərgisi və konsert proqramı təşkil olundu. Məktəblilərin bir-birindən maraqlı çıxışları, rəqs nömrələri ilə rövnəqlənən tədbirdə Rəssamlar İttifaqının sədri xalq rəssamı Ağəli İbrahimov, valideynlər, müəllim və şagirdlər iştirak edirdilər.

Tədbirdən sonra məktəbin İctimaiyyətlə əlaqələr və media şöbəsinə müsahibə verən respublikanın xalq rəssamı Ağəli İbrahimov şagirdlərin sərgidə nümayiş olunan əsərlərin içərisində vətənpərvərlik mövzusunda olanları xüsusi dəyərləndirərək, onların mədəniyyətin inkişafındakı rolunu vurğuladı. Rəssam, həmçinin, sərgini “Sənət dünyası” adlandırdı. Həm konsert proqramı, həm də sərgidən həvəslə danışan müsahib “Dünya” məktəbində təhsil alanlar üçün hərtərəfli inkişaf üçün yaradılan şəraitdən məmnunluğunu bildirdi.