2016-cı il mayın 3-dən 9-dək Humanitar və sosial elmlər fakültəsinin dekan müavini Mələk Kərimova (doktorant) və baş laborant Validə Kərimova (doktorant) Samsun Şəhər Milli Təhsil Müdirliyi və Samsun Canik bələdiyyəsinin dəvətilə Samsunda keçirilən 6-cı Beynəlxalq “Psixoloji xidmət və rəhbərlik: Hədəfə doğru insan” konfransında iştirak etdilər. Yerli iştirakçılarla yanaşı, müxtəlif ölkələrdən gəlmiş konfrans iştirakçılarının ümumi sayı 500 nəfərdən çox idi.

Mələk Kərimova “Azərbaycanda təhsil: Azərbaycanda psixoloji xidmət və rəhbərlik” mövzusunda çıxış etdi, “Əlil uşaqlar və onların ailələrinə psixoloji xidmət” mövzusunda isə vorkşoplar apardı. VORKSHOPDA ESFİDİP Tempus layihəsinin (Əlilliyi olan şəxslərin Azərbaycanın ali təhsil müəssisələrinə inteqrasiyasının təməlinin qoyulması) məlumatlarına da istinad edilib.O, konfransda xarici ölkələrin elmi təşkilatının üzvü də oldu.

Validə Kərimova da Samsun Şəhər Canik Bələdiyyəsinin dəvətilə təşkil olunan “Hədəfə doğru insan” mövzusunda yer aldı, bir çox çıxış və vorkşoplarda uğurla iştirak etdi.

Şonda iştirakçılara sertifikatlar verildi.