2016-cı il mayın 17-də Xəzər Universitetinin Azərbaycan dili və ədəbiyyat departamentinin təşkilatçılığı ilə Azərbyacan Yazıçılar İttifaqının üzvü, “Türk ədəbiyyatına xidmət” (Türkiyə), Şahmar Əkbərzadə adına Beynəlxalq Ədəbiyyat mükafatı” (Azərbaycan) lauretları, Prezident mükafatçısı şair Kəmaləddin Qədimin “Dünya qonaq sevən deyil” şeirlər kitabının təqdimatı keçirildi. Tədbiri giriş sözü ilə departamentin rəhbəri dosent Vurğun Əyyub açaraq, şairin yaradıcılığı, fəaliyyəti haqqında məlumat verdi. Tədbirdə şairin qələm dostlarından Adilə Nəzər, Telli Pənahqızı, Fərqanə, Mübariz Məsimoğlu, Məmməd Tahir və başqaları Kəmaləddin Qədimin yaradıcılığındakı yüksək keyfiyyətlərdən, şairin şeirlərindəki poetik yeniliklərdən söhbət açdılar.
Daha sonra Kəmaləddin Qədim iştirakçıların çoxsaylı suallarını cavablandırdı, şeirlərindən nümunələr oxudu. Sonda şair çap olunmuş kitablarından Xəzər Universitetinin kitabxanasına və tələbələrə hədiyyə etdi.
Şairlə görüş barədə bəzi saytlarda xəbər yayınlanmışdır:
http://strateq.az/edebiyyat/60787/xəzər-universitetində-sair-kəmal%C9%99ddin-qədimlə-gorus.html