2016-cı il mayın 12-də Xəzər Universiteti Bioloji elmlər departamentinin dəvətilə Amerikanın Mikrobiologiya cəmiyyətinin Texas filialının prezidenti və Texas at Tyler Universitetinin professoru Ali Azğani “Pseudomonos infeksiyasının patogenezi və müalicəsisi – keçmişi, bu günü və gələcəyi” mövzusunda universitetdə tələbələrə, həkim, müəllim və tədqiqatçılara mühazirə oxudu. Görüşdə, həmçinin, universitetin rektoru Dr. Hassan Niknafs, Bioloji elmlər departamentinin PhD tələbələri, Azərbaycan Milli Elmlər Akademiyasının professoru Fəxrəddin Əsgərov, “Nərgiz” klinikasının baş həkimi Məlahət Qəhrəmanova və klinikanın həkimləri, Tibb Universitetinin Tibbi mikrobiologiya və immunologiya kafedrasının dosenti Nigar Ağayeva və departamentin gənc tədqiqatçısı Fidan Bağırova iştirak edirdilər.

Mühazirədən sonra antibakterial müalicədə antibiotiklərə qarşı rezistentlik haqda geniş müzakirələr aparıldı. Görüşün sonunda iştirakçılar Azərbaycanda antibakterial rezistentliyin aradan qaldırılması üçün Amerikanın Texas at Tyler Universitetinin Biologiya departamenti ilə birgə tədqiqat işlərinin aparılmasında əhəmiyyətli olan planlar barədə maraqlı müzakirələr apardılar.